برمجة بالعربى - مش مهم أختارت مين، مهم اختارت ليه ؟

جربت توصل الأبليكشن بتاعك بـ داتا بيس ؟ لو جربت يبقى الكلام اللى هنا دة يهمك ، ولو مجربتش يبقى لما تجرب الكلام دة هـ يهمك !
فى كام سؤال عايزين نتناقش فيهم،مبدأياً كدة أختارت الـ Database Engine بنائاَ على ايه ؟ طيب تعرف انت اختارت صح ولا غلط ؟ وعشان تعرف انت اختارت صح ولا غلط لازم اسألك انت تعرف خصائص الـDatabase Engine اللى انت أختارتة ايه ، وايه اللى  يفرق من  Database Engineلـ  التانية ؟

مش لازم تكون إجابتك على اللى فات ايوة و تمام و فعلاً ، عشان انا مكنتش اعرف لحد فترة قريبة ، بس لما جتلى فرصة اشتغل على اكتر من Database Engine ساعتها بدأت اقارن و اعمل search  وفى النهاية فكرت انى اشارك زملائى فى المعلومات اللى وصلتلها.

طيب عشان نبقى عارفين النطاق اللى بنتكلم فية ، لازم نحدد الـ Database Engines  اللى هناخدها فى عين  الأعتبار ونقارن بينها،انا أخترت Microsoft SQL Server  وMySQL  وSQLite ودة مش بيقلل ابداَ من حاجات تانية اثبتت مكانتها  وليها مستخدميها والـ Community بتاعها زى Oracle و MongoDB و PostgreSQL،بس يمكن عشان الكاتب يكون صادق وهو بيحكى تجربتة مع المحركات التلاتة ، أو عشان ان احتماليه اعتمادك على Engine هتكون بنسبة اكتر على واحد من التلاتة دول.

فى الجدول التالى انا هسرد مقارنة بتوضح بعض نقاط التشابة والأختلاف تعالوا نشوف ..  

الخصائص	Microsoft SQL Server	MySQL	SQLite
مجتمع المطورين شايفة ازاى ؟	Microsoft’s RDBMS	Open source RDBMS	Open source in-process RDBMS
المطور أو صاحب الفكرة	Microsoft	Oracle	Dwayne Richard Hipp
الأصدار الأول	سنة 1989	سنة 1995	سنة 2000
الرخصة او الـLicense	تجارى	مفتوح المصدر	مفتوح المصدر
اللغة البرمجية اللى اتعمل بيها	سى بلس بلس	سى بلس بلس و سى	سى بس
يشتغل انهى نظام تشغيل ؟	Windows	FreeBSD Linux OS X Solaris Windows	يتشغل على اى نظام تشغيل ودة بسبب انه server less أو غير معتمد على انظمة التشغيل.
XML support ؟	يدعم	يدعم	لا يدعم
ممكن نشتغل عليه من خلال	OLE DB Tabular Data Stream ADO.NET JDBC ODBC	ADO.NET JDBC ODBC	ADO.NET JDBC ODBC
لغات البرمجة اللى تقدر تتكلم معاه	Dot Net Java PHP Python Ruby Visual Basic	Ada C C Sharp C pls pls D Eiffel Erlang Haskell Java Objective-C OCaml Perl PHP Python Ruby Scheme Tcl	Actionscript Ada Basic C C Sharp C pls pls D Delphi Forth Fortran Haskell Java JavaScript Lisp Lua MatLab Objective-C OCaml Perl PHP PL/SQL Python R Ruby Scala Scheme Smalltalk Tcl
طرق التقسيم أو Partitioning  methods	تقسيم افقى بمعنى ان الجداول يتم تقسيمها مابين files مختلفة، أو federation	تقسيم افقى بمعنى ان الجداول يتم تقسيمها مابين files مختلفة،MySQL Cluster أوMySQL Fabric	لا يوجد.
طرق النسخ Replication methods	موجودة بس دة بيعتمد على الversion	Master-master replication Master-slave replication	غير مدعومة.

خلينا ندخل فى النقطة اللى بعد كدة وهى ايه العوامل اللى ممكن اختار على اساسها الـ Database Engine ؟

#1  Reliability أو الأعتمادية ..

ودة معناه القدرة على حماية البيانات بحيث ان كل العمليات الحرجة يمكن تنفيذها بقدر عالى من الأمان.

2# Adaptability أو الملائمة ..

وهى قدرة الـ RDBMs على التكيف مع التغيرات السريعة وذلك بدون فرض تغيرات فى الـ hardware  المستخدم وبدون الحاجة الى شراء وحدات أضافية.

3# Scalability أو القابلية للتوسع ..

يوصف الـ RDBMS القادر على التوسع بأنه قادر على دعم وتحمل أى زيادة فى عدد المستخدمين ، كمية البيانات ، أو العمليات بدون الحاجة الى اى تكاليف جديدة.

4# Predictability أو القدرة على التنبؤ

يجب على الـ RDBMS ان يكون قادر على توصيل predictable service levels.

5# Manageability أو القدرة على التحكم فية